Valdres Natur- og Kulturpark - skjerper sansane
Valdres Natur- og Kulturpark er eit utvida utviklingssamarbeid eigd av dei seks valdreskommunane Sør-Aurdal, Etnedal, Nord-Aurdal, Vestre Slidre, Øystre Slidre og Vang.
Gjennom langsiktig merkevarebygging, samarbeid og lokal styring, er målet verdiskaping og livskraft i lokalsamfunna. Valdres Natur- og Kulturpark er der du kjem frå, der du kan vera, der du kan vera til. I fellesskap skal vi bygge framtida tufta på vår unike kombinasjon av folk, natur, kultur og næring.
Samhandling i trivselsbygda
Valdres Natur- og Kulturpark har definert som sin viktigaste reiskap å vera ein arena for samhandling mellom kommunar, reiseliv, kultur- og friluftsorganisasjonar, bønder og andre næringsdrivande. Vi skal samhandle om å laga produkt og opplevingar som er unike etter sin eigenart, og som vi kan bygge ei sterk merkevare på - Merkevara Valdres.
Merkevara og verdigrunnlaget
I merkevarebygginga skal Valdres ha eit særleg fokus på:
Miljø
Merkevara Valdres skal byggast på ein høg miljøstandard i vid forstand. Miljøspørsmål skal også fokuserast i kvalitetsstandardar som blir utarbeida for den enkelte næring.
Kultur
Merkevara Valdres skal byggast på ein identitet knytt til vår sterke lokale kultur. Her skal vi legge vekt på det vide kulturomgrepet som omfattar alt frå tradisjonskultur og kulturminne, til eit ope møte med det moderne kulturuttrykket i Valdres. Våre kvalitetsstandardar skal til saman synleggjera vår rike matkultur, handverkskultur, byggetradisjonar, kulturlandskap, stølskultur, biletkunst, musikk, dans, lyrikk og forteljartradisjonar. Festivalane er eitt av fyrtårna i kultursatsinga.
Det gode og moderne liv i Valdres
Merkevara Valdres skal ha sitt utspring i vårt lokalmiljø, eit lokalmiljø som det vil vera positivt å identifisere seg med. Dei gode opplevingar skal vera i fremste rekkje, og Valdres skal med bakgrunn i tradisjonelle verdiar også utvikle urbane kvalitetar. Merkevara må appellere til vår felles draum om det gode liv. Service- og vertskapsrolla skal prioriterast i alle kvalitetsstandardar. Valdres Natur- og Kulturpark vart offisielt opna på Valdres folkemuseum 12. juni 2007 av dåverande landbruksminister Terje Riis-Johansen.
Les meir om merkevara Valdres som visuell identitet her
Kontakt oss
Besøksadresse: Skrautvålvegen 77, 2900 Fagernes
Tel: 61 35 94 50
E-post: post@valdres.no / region@valdres.no
Våre publikasjoner
Stavkirkeguiden 2017
Byggeskikkveileder 2012
Kulturminneåret 2009 "Vekas kulturminne" samlet
Foreløpig rapport om Saltmannsvegen frå Fossheim til Vang
