Om

Fjellet betyr mykje for dei fleste av oss, anten vi byggjer, bur, sankar eller går tur. Kva er det som avgjer korleis vi vel å bruke fjellet? Og korleis prioriterer vi ulike fjellverdiar på veg til felles samfunnsmål?

I ei tid der verda tapar natur, meiner det Internasjonale Naturpanelet (IPBES) at vi treng vesentlege endringar i samfunnet for å nå felles berekraftsmål. Men kva betyr berekraft? Naturpanelet peikar særleg på fire berekraftsretningar: Grøn vekst, vekstfri utvikling, økokulturelt forvaltarskap, og naturvern. Desse retningane konkurrerer på mange måtar med kvarandre, dei blir støtta opp i ulike fagmiljø, og dei byggjer på ulike verdiar.

I dag er det grøn vekst som dominerer arbeidet med lokal samfunnsutvikling. Det er etablerte syn at vi treng meir vekst, og at natur- og kulturverdiar best kan takast vare på gjennom å gje dei pengeverdi. Finns det alternativ? Kan vi nytte framfor å utnytte? Og kan vi tenkje oss ei framtid i fjellet, der vi tek omsyn til mangfaldige verdiar, utan å nødvendigvis rekne dei om til pengar?

I dette mini-seminaret inviterer vi til foredrag, felles øving og samtale om kva endring i vårt berekraftssyn kan bety for framtida i fjellet.

Arrangementet er del av museumsprogrammet Eit skigardsdele - frå stølskultur til hytteindustri.

TID: Torsdag 20. mars 2025 kl. 19.00
STAD: Valdres Folkemuseum

Gratis og ope for alle!

Arrangementet er del av museumsprogrammet Eit skigardsdele - frå stølskultur til hytteindustri.